काठमाडौँ, २६ भदौ — राजनीतिक संकट गहिरिँदै गएको सन्दर्भमा राष्ट्रपति रामचन्द्र पौडेल र प्रतिनिधिसभाका सभामुख देवराज घिमिरेबीच बिहीबार दिउँसो शितल निवासमा भेटवार्ता भएको छ।
भेटमा देशको वर्तमान संवैधानिक तथा राजनीतिक अवस्थाबारे व्यापक छलफल भएको स्रोतले जनाएको छ। राष्ट्रपति पौडेलले हालसम्म कानुनविद्हरूसँग परामर्श गरेर संवैधानिक निकास खोज्ने प्रयास गरिरहेका छन् भने सभामुख घिमिरेले पनि संसद्को भूमिकाबारे आफ्ना धारणा राखेका छन्।
भेटमा संसद् विघटन गर्ने वा नगर्ने विवाद समेत उठेको बताइए पनि दुबै पक्षले संसद्को अस्तित्व कायम राख्दै संवैधानिक प्रक्रियाबाट समाधान खोज्नुपर्नेमा जोड दिएको स्रोतको भनाइ छ।
यसअघि राष्ट्रपति पौडेलले वरिष्ठ कानुनविद्हरूसँग अलग–अलग भेट गरेर राजनीतिक निकासका सम्भावित विकल्पबारे राय लिइसकेका छन्। अहिले देशमा उत्पन्न परिस्थितिको समाधान खोज्ने क्रममा राष्ट्रपतिको सक्रियता देखिएको बताइएको छ ।
साथै आज अहिले केही बेरमा ठूलो निर्णय हुने समेत देखिएको छ ।
