अर्घाखाँची । जिल्ला प्रहरी कार्यालय अर्घाखाँचीका प्रमुख प्रहरी नायव उपरीक्षक (डीएसपी) चक्रबहादुर मल्लको पहलमा प्रहरी कर्मचारीका लागि कार्यालय भित्रै जिम हल स्थापना गरिएको छ ।
प्रहरी कर्मचारीको शारीरिक तन्दुरुस्ती र स्वास्थ्यलाई लक्षित गर्दै कार्यालयकै बजेट प्रयोग गरेर जिम हल सञ्चालनमा ल्याइएको हो । नियमित व्यायाम र तन्दुरुस्तीले मात्र प्रहरीलाई आफ्नो कर्तव्य निर्वाहमा सहज हुने विश्वासका साथ यो काम अघि बढाइएको डीएसपी मल्लले बताए ।
मल्लका अनुसार शारीरिक रुपमा सक्षम भए मात्र मानसिक रुपमा पनि बलियो भएर प्रहरीले २४ घण्टा जनताको सेवामा खटिन सक्नेछन् ।
“प्रहरीले आफ्नै स्वास्थ्य र तन्दुरुस्तीमा ध्यान दियो भने जनता सुरक्षाको जिम्मा अझ आत्मविश्वासका साथ लिन सक्छन् ।”यो प्रहरीको लागि सकारात्मक पक्ष हो ।
यसअघि पनि डीएसपी मल्ल समुदायमै पुग्ने, विद्यालयमा सचेतना कार्यक्रम सञ्चालन गर्ने, सडक सुरक्षा र अपराध नियन्त्रणमा सक्रिय भूमिका निर्वाह गर्दै आएका छ्न।
