काठमाडौं – विगतका वर्षझैँ यसपालि पनि चर्चित लोकगायिका विष्णु माझीको नयाँ तीज गीत सार्वजनिक भएको छ।
बुधबार बिहान रिलिज भएको उनको एकल स्वरको ‘म त नराउरी’ गीत सार्वजनिक भएसँगै व्यापक चर्चा पाउन थालेको हो ।
‘पुतलीको भट्टी’ भाग २१ अन्तर्गत आएको यस गीतमा विशेषगरी छोरा–छोरीबीच हुने विभेद, पितृसत्तात्मक सोच र नारीको जीवनमा भोगिनुपर्ने कठिनाइलाई मार्मिक ढङ्गले प्रस्तुत गरिएको छ।
गीतको शब्द र धुनमा विष्णु माझीको भावपूर्ण आवाजले सामाजिक सन्देशलाई अझ प्रभावशाली बनाएको छ।
सार्वजनिक भएको केही घण्टामै युट्युब र सामाजिक सञ्जालमा यस गीतले चर्चा पाएको छ।
दर्शक–श्रोताहरूले यसलाई तीजको रमाइलोसँगै महिला हक र समानताका पक्षमा सशक्त सन्देश दिने सांगीतिक प्रस्तुति भन्दै प्रशंसा गरिरहेका छन्।
भिडियो
