काठमाडौ – समाजमा महिला हिंसाका घटना बढी सुनिने गरे पनि पछिल्लो समय पुरुषहरू पनि घरेलु तथा मानसिक हिंसाको शिकार भइरहेका छन्।
कपिलवस्तु जिल्लामा पछिल्लो एक वर्षको अवधिमा २३ जना पुरुषहरूले आफू माथि हिंसा भएको भन्दै प्रहरी मा उजुरी दिएका हुन।
प्रहरीका अनुसार ती उजुरीहरूमा शारीरिक कुटपिट, मानसिक यातना, सामाजिक बहिष्कार, चरित्र हत्या, दाम्पत्य कलह, सम्पत्तिको जबर्जस्ती कब्जा, झूठा आरोप लगायतका विषय उल्लेख गरियको छन्।
अधिकांश उजुरीहरू घरेलु विवादका कारण आएको बताइएको हुन।
जिल्ला प्रहरी कार्यालयका अनुसार हिंसा पीडित पुरुषहरूले न्यायका लागि प्रहरी कार्यालयमा आएको दर बढ्दो क्रममा छ। केही उजुरीहरू मेलमिलाप प्रक्रियाबाट समाधान गरिएको भए पनि केही अझै अनुसन्धानकै चरणमा छन्।
प्रहरीले सबै प्रकारका हिंसालाई गम्भीर रूपमा लिएर अनुसन्धान गरिने जनाएको छ। साथै, पुरुष हिंसाका विषयमा पनि सामाजिक चेतना अभिवृद्धि गर्नुपर्ने आवश्यकता देखिएको छ।
सामाजिक व्यवहारमा पुरुषलाई सधैँ शक्तिशाली र हिंसाको कारक ठानिने प्रवृत्तिले गर्दा पीडित पुरुषहरू खुलेर बोल्न सक्दैनन्। तर अब पीडितहरू बोल्न थालेका छन्, जुन सकारात्मक संकेतको रूपमा हेरिएको छ।
