काठमाडौं — गायिका एलिना चौहानका पछिल्ला सार्वजनिक टिप्पणीहरूपछि उनका पूर्वपति विष्णु सापकोटाले स्पष्ट शब्दमा चेतावनी दिएका छन्।
सामाजिक सञ्जालमार्फत उनले लेखेका छन्, “सम्बन्ध टुंगिएपछि हामीबीच व्यक्तिगत कुरा सार्वजनिक नगर्ने सहमति थियो। म आजसम्म मौन बसेको छु, तर यो मौनता मेरो कमजोरी होइन, न त सत्य स्वीकारेको संकेत।”
सापकोटाले एलिनाप्रति अझै पनि व्यक्तिगत सम्मान रहेको उल्लेख गर्दै भनेका छन्, “म आफूले माया गरेर घर भित्र्याएको व्यक्तिप्रति आज पनि सम्मान राख्छु, तर बारम्बार झुटा आरोप र खिसीटिउरी सहनु पनि मेरो स्वभाव होइन।”
उनले अगाडि लेखेका छन्, “यदि आवश्यक पर्यो भने, म सत्य बोल्न पछि हट्ने छैन। मेरो मौनतालाई कमजोरी ठान्नु वा त्यसलाई दोष स्वीकारेको संकेत मान्नु पूर्ण रूपमा अनुचित हुनेछ। त्यसलाई परिक्षण गर्ने जोकोही तयार रहुन्।”
यो चेतावनी शैलीको अभिव्यक्तिले एलिना चौहान र विष्णु सापकोटा बीचको सम्बन्ध पुनः चर्चाको केन्द्रमा ल्याएको छ। पछिल्ला दिनमा एलिनाले विभिन्न मिडिया तथा सामाजिक प्लेटफर्महरूमा दिएको अभिव्यक्तिहरूले चर्चामा उचालिएको यो विषय झन् चर्किने सम्भावना देखिएको छ।