ओखलढुंगा = सिद्धिचरण नगरपालिका-८ बजरङ्गे गाउँस्थित सेतीदेवी मन्दिर नजिकै बाग्मती प्रदेश०१–००६ ख ५५८१ नम्बरको बस करिब १० मिटर तल खसेर दुर्घटना भएको प्रहरीले जनाएको छ ।
दुर्घटनामा परेर चार जना घाइते भएको जिल्ला प्रहरी कार्यालय ओखलढुंगाले जनाएको छ। घाइते हुनेमा ओखलढुंगा चम्पादेवी गाउँपालिका-३ की ५० वर्षीय कुमारी माया बुढाथोकी, बसका सहचालक ओखलढुंगा मानेभञ्जयाङ गाउँपालिका-३ उवुका २५ वर्षीय विनोद अधिकारी, अर्का सहचालक सिद्धिचरण नगरपालिका-८ लगलगेका २८ वर्षीय रोशन गिरी र सुनकोसी गाउँपालिका-१ बल्खु बस्ने ४२ वर्षीय सहदेव गिरी रहेको जनाइएको छ ।
सहचालक दुवै जनाको टाउकोमा चोट लागेको तथा अर्का दुई जनाको करङ तथा ढाडमा चोट लागेको प्रहरीले जानकारी दिएको छ।
निरन्तरको वर्षाको कारण चिप्लिएर अनियन्त्रित भएर दुर्घटना भएको हुनसक्ने प्रहरीको अनुमान छ।