नयाँ दिल्ली – नेपाली लोकदोहोरी क्षेत्रमा लामो समयदेखि सक्रिय रहँदै आएका गायक तथा गीतकार गोविन्द पौडेलले नयाँ गीत ‘तारा खसेको’ लिएर आएका छन्। भारत प्रबासमा रहेर पनि निरन्तर नेपाली संगीतमा योगदान दिँदै आएका पौडेलका यसअघि ‘न बढाउ है मायामा दुरी , बरको छायांले , मुनामदन ‘ बैशको फुल ” सातै जुनी ‘ऐंसेलुका दाना , लगायतका दर्जनौ गित हिट भइसकेका छन्।
‘तारा खसेको’ मा गोविन्द पौडेलको शब्द र प्रकाश अधिकारीको संगीत रहेको छ। प्रकाश अधिकारी र पुजा देवकोटाले स्वर दिएका यस गीतमा गोविन्द पौडेल र आयुष्मा कार्कीले मुख्य अभिनय गरेका छन्।
गीतको निर्देशन बिशाल घिमिरेले गरेका हुन् भने छायांकन राजेश घिमिरे र टिमले गरेका छन्। संगीत एरेञ्ज पूर्ण सम्योगले गरेका हुन् भने मिक्सिङ, मास्टरिङ र रेकर्डिङ बिमल छिनालले सम्हालेका छन्।
गीत प्रकाश अधिकारी अफिसियल युट्युब च्यानलमार्फत सार्वजनिक गरिएको छ। नेपाली लोकसंगीतमा निरन्तर लागिरहेकै प्रमाण स्वरूप, ‘तारा खसेको’ ले पनि दर्शकको मन जित्ने अपेक्षा गरिएको छ।
भिडियो