बाँके – बाँके प्रहरीले लागू औषध चरेससहित दुई जनालाई पक्राउ गरेको छ। नेपालगंज उपमहानगरपालिका-४ बसपार्क सडक खण्डमा चेकजाँच गर्ने क्रममा कालिकोट खाडाचक्र नगरपालिका-१० का ३५ वर्षीय विक्रम शाहीले चलाएको सु.प.प्र. ०१-०११ प १८५५ नम्बरको स्कुटरको पछाडि सवार भक्त बहादुर शाहीलाई शंका लागि चेकजाँच गरिएको थियो।
जाँचका क्रममा भक्त बहादुर शाहीले बोकेको कालो झोलाबाट लागू औषध चरेस जस्तो देखिने ४ किलो २२० ग्राम पदार्थ बरामद भएको जिल्ला प्रहरी कार्यालय, बाँकेले जनाएको छ। प्रहरीले स्कुटरसहित दुबै जनालाई नियन्त्रणमा लिई थप अनुसन्धान तथा कानुनी प्रक्रिया अघि बढाएको छ।
जिल्ला प्रहरी कार्यालय बाँकेका सूचना अधिकारी एवं प्रवक्ता प्रहरी निरीक्षक याम बहादुर मल्लका अनुसार पक्राउ परेका व्यक्तिहरूमाथि लागू औषध सम्बन्धी मुद्दा दर्ता गरी आवश्यक कारबाही प्रक्रिया अगाडि बढाइएको बताएका छ्न
