प्युठान — प्युठानको माण्डवी गाउँपालिका–२ रातापानीमा वृद्ध दम्पत्तीको हत्या भएको खुलासा भएको छ। ६० वर्षीय रामबहादुर परियार र उनकी ५६ वर्षीय श्रीमती हुकुमा परियार शनिबार बिहान घरमै मृत फेला परेका थिए।
प्रहरीका अनुसार, दम्पत्तीमाथि घन प्रहार भएको पुष्टि भएको छ, जसलाई घटनास्थलबाट ५० मिटर टाढा रगत लागेको अवस्थामा फेला पारिएको छ। स्थानीयका अनुसार, दम्पत्ती राति खाना खाएर सुतेका थिए, तर बिहान अबेरसम्म नउठेपछि छिमेकीले मृत अवस्थामा देखी प्रहरीलाई खबर गरेका थिए।
घटनाको गम्भीरता हेर्दै प्रहरीले भैरहवाबाट तालिमप्राप्त कुकुर मगाई अनुसन्धान तीव्र बनाएको छ। मृतकका चार छोरा भारतमा रहेको र छोरीहरूको विवाह भइसकेको प्रहरीको भनाइ छ।
