काठमाडौं – जल तथा मौसम पूर्वानुमान महाशाखाले हाल देशभर पश्चिमी वायुको सामान्य प्रभाव रहेको जनाएको छ।
सुदूरपश्चिम र कर्णाली प्रदेशमा आंशिक बदली रहे पनि अन्य अधिकांश स्थानमा मौसम सफा रहेको छ। तराईका केही स्थानमा बिहानैदेखि हुस्सु लागेकाले जनजीवन प्रभावित हुन सक्ने सम्भावना छ।
महाशाखाका अनुसार आज दिउँसो कोशी, कर्णाली र सुदूरपश्चिम प्रदेशका पहाडी क्षेत्रमा आंशिक बदली रहनेछ भने अन्य ठाउँमा मौसम सामान्यत: सफा रहनेछ। रातिको समयमा गण्डकी, लुम्बिनी, कर्णाली र सुदूरपश्चिम प्रदेशका पहाडी क्षेत्रमा आंशिक बदली हुने अनुमान गरिएको छ, जबकि बाँकी भूभागमा मौसम खुला रहनेछ।
शनिबार बिहान तराईका विभिन्न स्थानमा बाक्लो हुस्सु लाग्ने सम्भावना रहेकाले सडक तथा हवाई यातायात, स्वास्थ्य र जनजीवनमा असर पर्न सक्ने महाशाखाले जनाएको छ। सम्बन्धित निकाय तथा सर्वसाधारणलाई सावधानी अपनाउन आग्रह गरिएको छ।
