काठमाडौं, १५ माघ – वैदेशिक रोजगारीका नाममा अमेरिका, जापान, सर्बिया र कुवेत पठाइदिने प्रलोभनमा पारी डेढ करोड रुपैयाँ ठगी गरेको आरोपमा ६ जनालाई पक्राउ गरिएको छ। प्रहरीले विभिन्न स्थान र घटनाबाट ती व्यक्तिहरूलाई पक्राउ गरेको हो।
प्रहरीका अनुसार, गोरखाको शहीद लखन गाउँपालिकाका सुरेन्द्र विकलाई अमेरिका पठाइदिने भन्दै ९७ लाख ५४ हजार रुपैयाँ ठगी गरेको उजुरीका आधारमा कलंकीबाट पक्राउ गरिएको हो। विकले ठगी गरेपछि सम्पर्कविहीन भए पछि उनलाई पक्राउ गरिएको हो।
त्यसैगरी, सर्बिया पठाइदिने आश्वासन दिएर २२ लाख ३८ हजार रुपैयाँ ठगी गरेको आरोपमा सल्यानका सुनिल दसौदीलाई पक्राउ गरिएको छ। काभ्रेपलाञ्चोक पाँचखालका विकास दवाडीलाई जापान पठाइदिने भन्दै ३ लाख रुपैयाँ र काठमाडौं गोकर्णेश्वरकी विशाखा पौडेललाई कुवेत पठाइदिने नाममा १ लाख ६० हजार रुपैयाँ ठगी गरेको आरोपमा पक्राउ गरिएको हो।
क्यानडा र जापान पठाइदिने भन्दै पर्सा निवासी शारदा कार्की र गुल्मीका रविन श्रेष्ठलाई पनि पक्राउ गरिएको छ। शारदाले क्यानडा पठाइदिन्छु भन्दै ५ जनाबाट ६ लाख ८५ हजार ५ सय रुपैयाँ लिई सम्पर्कविहीन भएकी थिइन् भने रविनले जापान पठाइदिन्छु भन्दै २० लाख ५० हजार रुपैयाँ लिई फरार भएका थिए।
प्रहरीले पक्राउ परेका व्यक्तिहरूलाई आवश्यक अनुसन्धान र कारबाहीका लागि जिल्ला प्रहरी परिसर काठमाडौं र वैदेशिक रोजगार विभाग ताहाचल काठमाडौं पठाएको जनाएको छ। प्रहरीका अनुसार, उक्त गिरोहले विभिन्न वैदेशिक रोजगारीको प्रलोभन दिई ठूलो रकम ठगी गरेको छ।
