बाँके, – नेपालगञ्जमा चिसो बढेपछि सामुदायिक र संस्थागत विद्यालयहरूमा तीन दिनको जाडो बिदा दिइएको छ। आजदेखि माघ ११ गतेसम्म विद्यालय बन्द रहने निर्णय भएको हो।
- Advertisement -
नेपालगञ्ज उपमहानगरपालिका शिक्षा, युवा तथा खेलकुद महाशाखाका प्रमुख गोर्खबहादुर थापाले बताए अनुसार, मौसम प्रतिकूलताका कारण शीतकालीन बिदाबाट कट्टी नगरी बिदा दिइएको हो।
शीतलहरले विद्यालय सञ्चालनमा कठिनाइ उत्पन्न गराएको र अभिभावकहरूले समेत विद्यालय र पालिकामा बिदाका लागि अनौपचारिक रूपमा अनुरोध गरेका थिए।
चिसो बढ्नु र शीतलहरको असरले विद्यार्थी र शिक्षकहरूका लागि विद्यालयमा जान गाह्रो बनेको भन्दै यो निर्णय गरिएको हो। ११ गतेसम्मको बिदाबाट विद्यार्थी र शिक्षकहरूले राहत प्राप्त गर्नेछन्।
