प्रेम सुनार
गुल्मी, पुस ८ । मंगलबार बिहान गुल्मीको मरभुङ्ग गाउँमा एक जना पुरुष मृत अवस्थामा फेला परेका छन्। जिल्लाको मालिका गाउँपालिका-८ मरभुङ्गका ६० वर्षीय लालबहादुर रोका मृत अवस्थामा भेटिएका हुन्।
जिल्ला प्रहरी प्रमुख एसपी राजन भुजेलले घटनाको पुष्टि गर्दै घटनास्थलमा प्रहरी टोली पुगेर अनुसन्धान भइरहेको जानकारी दिए। उनले भने, “मृतकलाई कसैले हत्या गरेको हो कि भन्ने आशंका छ र सोधपुछका लागि मृतकका छोरा २८ वर्षीय डम्बर बहादुर रोकालाई नियन्त्रणमा लिइएको छ।”
घटनासम्बन्धी थप विवरणका लागि पत्रकार प्रेम सुनार फ्लोअप रिपोर्ट गरिरहेका छन्।
