पोखरा = राष्ट्रिय स्वतन्त्र पार्टी (रास्वपा) का सभापति रवि लामिछाने पोखराको सूर्यदर्शन सहकारी ठगी प्रकरणमा प्रहरी हिरासतमा रहेका बेला २९ मंसिरमा सुतिरहेको तस्वीर खिचेर सार्वजनिक गर्ने डा. निकोलस भुसाललाई कास्की जिल्ला अदालतले ५० हजार रुपैयाँ धरौटीमा मुक्त गरेको छ। उनलाई विद्युतीय कारोबार ऐनविरुद्धको साइबर अपराधको आरोपमा पक्राउ गरिएको थियो। सरकारी वकिलको कार्यालयले ५ वर्ष कैद र १ लाख रुपैयाँ जरिवानासमेतको मागदाबी गरेको थियो।
भुसालले फोटो अञ्जानमा खिचेको र स्वास्थ्य सल्लाह दिन गएको भन्दै आफ्नो गल्तीको माफी मागेका थिए, जबकि सरकारी वकिलले उक्त फोटो सार्वजनिक गर्ने कार्यले सुरक्षा संवेदनशीलतामा असर पुर्याएको दाबी गरेका थिए।
