काठमाडौं – हाल देशमा पश्चिमी वायूको साथै पश्चिमी न्यून चापीय प्रणालीको आंशिक प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार केही प्रदेशमा मौसम बदली भए पनि अधिकांश स्थानमा आंशिक बदलीदेखि मौसम सफा रहने अनुमान गरिएको छ।
देशका विभिन्न स्थानको मौसम अवस्थाः
कोशी, बागमती, गण्डकी र कर्णाली प्रदेश : पहाडी भू-भागमा आंशिकदेखि साधारण बदली रहनेछ।
अन्य भू-भाग : आंशिक बदली रहनेछ।
उच्च पहाडी तथा हिमाली क्षेत्र : एक-दुई स्थानमा हल्का हिमपातको सम्भावना रहेको छ।
यात्रा र जनजीवनमा प्रभाव
मौसम बदलीसँगै बिहानीपख तराईका केही स्थानमा हुस्सु तथा कुहिरो लाग्न सक्ने भएकाले सडक तथा हवाई यातायात प्रभावित हुन सक्ने अनुमान गरिएको छ। जनजीवन, स्वास्थ्य तथा यातायातलाई असर गर्न सक्ने भएकाले आवश्यक सतर्कता अपनाउन मौसम पूर्वानुमान महाशाखाले अनुरोध गरेको छ।
हिमपातको सम्भावना रहेका क्षेत्रका बासिन्दालाई आवश्यक तयारी गर्न तथा यात्रा गर्ने यात्रुहरूलाई सुरक्षित यात्रा गर्न विज्ञहरूले सल्लाह दिएका छन्।
