काठमाडौँ । राष्ट्रपति रामचन्द्र पौडेलले वरिष्ठ अधिवक्ता दामोदर खड्कालाई न्याय परिषद् सदस्यमा नियुक्त गरेका छन्। नेपाल बार एसोसिएसनको सिफारिसमा नेपालको संविधानअनुसार उनलाई नियुक्त गरिएको हो।
राष्ट्रपति कार्यालयका प्रवक्ता शैलजा रेग्मी भट्टराईका अनुसार बूढानीलकण्ठ नगरपालिका–४ निवासी खड्कालाई न्याय परिषद् सदस्यका रूपमा चयन गरिएको हो
नियुक्तिपछि खड्काले नेपाल बार एसोसिएसनले सर्वसम्मत सिफारिस गरेकोमा धन्यवाद व्यक्त गरेका छन्। उनले बार अध्यक्ष वरिष्ठ अधिवक्ता गोपालकृष्ण घिमिरे तथा पदाधिकारीहरुप्रति कृतज्ञता व्यक्त गर्दै संसदीय सुनुवाइ समितिका सभापति एवं सांसदहरूलाई पनि अनुमोदनका लागि धन्यवाद दिएका छन्।
