- कपिलवस्तुको चिरई खोला किनारमा बेवारिसे अवस्थामा एक पुरुषको शव फेला परेको छ।
- शवको पहिचान अझै खुल्न सकेको छैन र प्रहरीले घटनास्थलको अनुसन्धान गरिरहेको छ।
- घटनाबारे थप विवरण पत्ता लगाउन प्रहरीले आवश्यक कानुनी प्रक्रिया अघि बढाएको छ।
लक्ष्मण सुनार, अर्घाखाँची – कपिलवस्तु विजयनगर गाउँपालिका–५, गिद्धहवाघाटस्थित चिरई खोलाको किनारमा सडेको अवस्थामा पुरुषजस्तो देखिने बेवारिसे शव फेला परेको छ।
आइतबार बिहान करिब ९:४५ बजे शव फेला परेको सूचना प्राप्त भएपछि प्रहरी घटनास्थल पुगेको थियो। प्रहरी चौकी ठकुरापुरबाट प्रहरी सहायक निरीक्षक (प्रसनि) समुद्र आचार्यको कमाण्डमा ३ जना तथा इलाका प्रहरी कार्यालय गणेशपुरबाट प्रहरी निरीक्षक महेश कुमार आचार्यको कमाण्डमा SOCO सहित ६ जनाको टोली घटनास्थलमा पुगेको प्रहरीले जनाएको छ।
प्रहरीका अनुसार उक्त स्थान प्रहरी चौकी ठकुरापुरबाट करिब १ किलोमिटर दक्षिणमा पर्दछ। फेला परेको शवको हालसम्म पहिचान खुल्न सकेको छैन।
घटनास्थलको प्रारम्भिक अनुसन्धान तथा आवश्यक कानुनी प्रक्रिया अघि बढाइएको र शवको पहिचान तथा घटनाको वास्तविकता पत्ता लगाउन थप अनुसन्धान भइरहेको प्रहरीले जनाएको छ।
