समाचार सारांश
Auto Generated by AI
- रसुवाको भोटेकोशी बाढीमा परी हालसम्म १ हजार १२७ जनाको मृत्यु भएको छ।
- प्रहरीका अनुसार ४ हजार ८५८ जना अझै बेपत्ता छन् भने ६ हजार ५४१ जनाको उद्धार गरिएको छ।
- मृतकको पहिचान गर्ने र बेपत्ताको खोजी गर्ने कार्य जारी रहेको प्रहरीले जनाएको छ।
काठमाडौं ।रसुवाको भोटेकोशी क्षेत्रमा आएको बाढीमा मृतक संख्या एक हजार १२७ पुगेको छ।
नेपाल प्रहरीले सार्वजनिक गरेको विवरणअनुसार हालसम्म फेला परेका शव तथा आंशिक अंगमध्ये ३१ बालक, ४५ बालिका, २२७ महिला, ३९७ पुरुष र ४२७ आंशिक अंग रहेका छन्। फेला परेका शवको पहिचान तथा आवश्यक कानुनी प्रक्रिया पूरा गर्ने काम भइरहेको प्रहरीले जनाएको छ।
- Advertisement -
यसैगरी, पहिचान नभएका ९११ जनाको विवरण वेबसाइटमा अपलोड गरिएको छ। हालसम्म ९५ वटा शव हस्तान्तरण गरिएको छ भने जाँच मुचुल्काको संख्या एक हजार ११३ पुगेको प्रहरीले जनाएको छ।
प्रहरीका अनुसार चार हजार ८५८ जना सम्पर्कविहीन छन्। घाइते तथा उद्धार गरिएका व्यक्तिको कुल संख्या छ हजार ५४१ रहेको प्रहरीले जनाएको छ। उद्धार गरिएकामध्ये ५८० जना विदेशी नागरिक समेत रहेका छन्।
