समाचार सारांश
Auto Generated by AI
- गएराति बागमती र कर्णालीका केही स्थानमा हल्का वर्षा भएको छ।
- मनसुन केही कमजोर भएकाले धेरै ठाउँमा पानी पर्न रोकिएको छ।
- आज देशका केही तराई भेगमा मेघगर्जनसहित वर्षाको सम्भावना छ।
काठमाडौ – गएराति बागमती र कर्णाली प्रदेशका केही ठाउँमा हल्का वर्षा भएको छ ।
हिजोदेखि मनसुन केही कमजोर भई धेरैजसो ठाउँमा पानी पर्न रोकिएको छ भने कतै कतै हल्का वर्षामात्रै भएको मौसम पूर्वानुमान महाशाखाले जनाएको छ । महाशाखाका अनुसार गएको १२ घण्टामा सबैभन्दा धेरै सिन्धुपाल्चोकमा २२.८ मिलिमिटर वर्षा मापन भएको छ ।
आज मधेश, कोशी र बागमती प्रदेशका तराई भागका थोरै ठाउँ तथा गण्डकी, लुम्बिनी र सुदूरपश्चिम प्रदेशका तराई भागका एक/दुई ठाउँमा मेघगर्जन/चट्याङ्गसहित मध्यमसम्मको वर्षाको सम्भावना रहेको छ ।
