- बुटवलमा राष्ट्रिय सरसफाइ सप्ताहअन्तर्गत लुम्बिनी प्रादेशिक अस्पताल परिसरमा सरसफाइ गरिएको छ।
- एमआरआर बुटवल र रुद्रगण संस्थाको संयुक्त पहलमा सडक तथा सार्वजनिक स्थानको फोहोर व्यवस्थापन गरियो।
- सहभागीहरूले सरसफाइलाई सामाजिक दायित्वका रूपमा लिँदै जेठ १ गतेसम्म निरन्तर अभियान चलाउने जनाएका छन्।
बुटवल । नेपाल सरकारले सञ्चालन गरिरहेको ‘राष्ट्रिय सरसफाइ सप्ताह’ अभियानअन्तर्गत बुटवलमा तेस्रो दिन पनि सरसफाइ कार्यक्रम सम्पन्न गरिएको छ।
एमआरआर बुटवल र रुद्रगण धार्मिक संस्था को संयुक्त आयोजनामा आज लुम्बिनी प्रादेशिक अस्पताल परिसर बाहिर सरसफाइ कार्यक्रम सम्पन्न गरिएको हो। कार्यक्रममा संस्थाका युवाहरूको उत्साहजनक सहभागिता रहेको थियो।
सरसफाइ कार्यक्रमअन्तर्गत अस्पताल परिसर बाहिरका सडक किनारा, नाला तथा सार्वजनिक क्षेत्रमा थुप्रिएको फोहोर संकलन गरी व्यवस्थापन गरिएको थियो। अस्पतालजस्तो संवेदनशील क्षेत्र वरपर स्वच्छ वातावरण कायम राख्न सामूहिक प्रयास आवश्यक रहेको सहभागीहरूले बताएका छन्।
कार्यक्रममा सहभागीहरूले सरसफाइलाई केवल सरकारी अभियानका रूपमा नभई सामाजिक दायित्व र नागरिक संस्कारका रूपमा स्थापित गर्नुपर्नेमा जोड दिएका थिए। बुटवलका सार्वजनिक स्थल तथा सडक क्षेत्रमा बढ्दो फोहोर व्यवस्थापनका लागि यस्ता अभियान प्रभावकारी बन्ने विश्वास व्यक्त गरिएको थियो।
नेपाल सरकारले वैशाख २८ गतेदेखि जेठ १ गतेसम्म देशभर ‘राष्ट्रिय सरसफाइ सप्ताह’ सञ्चालन गरिरहेको छ। सोही अभियानअन्तर्गत एमआरआर बुटवल र रुद्रगढ धार्मिक संस्थाले पनि जेठ १ गतेसम्म निरन्तर सरसफाइ कार्यक्रम सञ्चालन गर्ने जनाएको छ।
