अर्घाखाँची – जेन्जी आन्दोलनसँग सम्बन्धित घटनामा स्वतन्त्र पत्रकार संघ अर्घाखाँचीका अध्यक्ष गुरुदेव खनाललाई प्रहरीले पक्राउ गरेको छ।
जिल्ला प्रहरी कार्यालय अर्घाखाँचीद्वारा जारी विज्ञप्तिअनुसार खनालसँगै पुष्कर पौडेल र चुरामाणी डुङाना लाई पनि नियन्त्रणमा लिइएको हो। उनीहरूलाई जिल्ला प्रशासन कार्यालयको आदेशअनुसार आवश्यक अनुसन्धानका लागि हिरासतमा राखिएको प्रहरीले जनाएको छ। र अन्य आरोपित हरुको खोजतलास समेत भएको प्रहरीले जनाएको छ ।
भदौ २४ को जेन–जी प्रदर्शनका क्रममा सन्धिखर्क हटारीस्थित मुख्यमन्त्री आचार्यको घरमा तोडफोड र आगजनी भएको थियो । घर आगजनी र तोडफोड गरेको भन्दै मुख्यमन्त्री आचार्यकी श्रीमती दीपा आचार्यले असोज अन्तिमतिर खनाल, पौडेल र ढुंगानासहित ११ जनाविरुद्ध अर्घाखाँची जिल्ला अदालतमा जाहेरी दिएकी थिइन् ।
पत्रकार गुरुदेव खनाल पछिल्ला दिनमा अर्घाखाँचीमा भइरहेका भ्रष्टाचार, बेथिति र अन्याय विरुद्ध निरन्तर रूपमा आवाज उठाउँदै आएका थिए। साथै, उनी जेन्जी आन्दोलन मा पनि सक्रिय रूपमा सहभागी रहेका थिए।
प्रहरीले पक्राउ प्रक्रिया कानुनी प्रावधानअनुसार अघि बढाइएको जनाएको छ।
विज्ञप्ति : जिल्ला प्रहरी कार्यालय, अर्घाखाँची
