काठमाडौं, । कीर्तिपुरकी गंगा ज्ञवालीले मान्छेप्रति दृष्टिकोण र मनोविश्लेषणकै आधारमा सुन्दरता निर्धारण हुने बताउदै एक कविता लेखेकी छ्न । बाहिरी रूप वा रङभन्दा बढी आन्तरिक सोच र दृष्टि नै जीवनलाई सार्थक बनाउने उनको कविताको भनाइ छ।
उनी लेखछिन , “यदि हाम्रो मनमा माया प्रेम छ भने, शत्रु र मित्रबीचको भिन्नता हराउँछ। यदि हाम्रो नजर सकारात्मक छ भने कसैलाई पनि नराम्रो देखिँदैन।”
जीवन अकल्पनीय र अनिश्चित भएकाले सबैलाई आत्मीय रूपमा हेर्न सक्नुपर्ने उनको कविताका भाव छ ।
उनीद्वारा लेखिएको कविता :
सबै मित्र सबै प्रिय
मलाई देख्ने तिम्रा आँखा सुन्दर छन् भने
मलाई बुझ्ने तिम्रो मन प्रिय छ भने
मलाई हेर्ने तिम्रो नजर सुन्दर छ भने हो
तिम्रो सुन्दर नजरले, तिम्रो प्रिय हेराइले
मलाई कदापि नराम्रो देख्ने छैन
किनकि तिम्रो नजर नै सुन्दर छ,
तिम्रो मनोविश्लेषण नै सुन्दर छ।
तिमी भित्र अथाहा माया प्रेम छ भने
तिमी भित्र भगवानको बास छ भने
तिमी कसैलाई नराम्रो देख्न सक्दैनौं
कसैलाई नराम्रो बुझ्न सक्दैनौं।
शत्रु र मित्रबीचको भिन्नता छुट्याउन सक्दैनौं
किनकि तिमी भित्र भगवानको बास छ।
सबैलाई हेर्ने नजर सकारात्मक छ,
डाह, रिस, राग छैन।
तिम्रो लागि सबै समान छन्।
हो, त्यसैले तिम्रो नजरमा म मेरो,
मेरो नजरमा तिमी मेरो,
मेरो नजरमा सबै असल छन्,
सबै आफन्त नै आफन्त छन्।
सबै मित्र, सबै प्रिय।
आखिर जीवन अकल्पनीय छ,
अनिश्चित छ।
सुन्दरता रूप र रङमा होइन,
बरु हेराइमा, आन्तरिक बुझाइमा हुन्छ।
मनोविश्लेषणमै निर्धारण हुन्छ।
गंगा ज्ञवाली, कीर्तिपुर काठमाडौं
