समाचार सारांश
Auto Generated by AI
- कतारका पूर्व अमिर शेख खलिफा बिन हमद अल थानीको ८४ वर्षको उमेरमा निधन भएको छ।
- उनको सम्मानमा कतार सरकारले तीन दिनसम्म राष्ट्रिय शोक घोषणा गरेको छ।
- उनको शासनकाललाई आधुनिक कतारको विकासको आधारशिला मानिन्छ।
दोहा- कतारका पूर्व अमिर तथा वर्तमान अमिर शेख तामिम बिन हमद अल थानीका पिता, शेख खलिफा बिन हमद अल थानीको ८४ वर्षको उमेरमा निधन भएको छ। अमिरी दिवानले आइतबार विज्ञप्ति जारी गर्दै उनको निधन भएको पुष्टि गरेको हो।
अमिरी दिवानले स्वर्गीय शेख खलिफालाई राष्ट्र निर्माण र विकासमा महत्वपूर्ण योगदान पुर्याएका दूरदर्शी नेताका रूपमा स्मरण गर्दै उनको आत्माको चिरशान्तिको कामना गरेको छ।
पूर्व अमिरको निधनप्रति शोक व्यक्त गर्दै वर्तमान अमिर शेख तामिम बिन हमद अल थानीले देशभर तीन दिन राष्ट्रिय शोक घोषणा गरेका छन्। यस अवधिमा राष्ट्रिय झण्डा आधा झुकाइने जनाइएको छ।
शेख खलिफा बिन हमद अल थानीले सन् १९७२ देखि १९९५ सम्म कतारको शासन सम्हालेका थिए। उनको नेतृत्वकालमा आधुनिक कतारको विकासका लागि महत्वपूर्ण आधारशिला निर्माण भएको मानिन्छ।
