- सामुदायिक रेडियो मुगु आफ्नो स्थापनाको १५ वर्ष पूरा गरी १६ औँ वर्षमा प्रवेश गरेको छ।
- स्थापनाकालदेखि नै यसले सूचना, शिक्षा र जनसरोकारका विषयमा महत्त्वपूर्ण योगदान पुर्याउँदै आएको छ।
- रेडियोले नयाँ पुस्तालाई पत्रकारिता सिकाउने पाठशालाका रूपमा समेत आफूलाई स्थापित गरेको छ।
सामुदायिक रेडियो मुगु १५ वर्ष पूरा गरी १६ औँ वर्षमा प्रवेश, स्थापना दिवसको अवसरमा शुभकामना आदानप्रदान
रतन रावल मुगु, ३ असार ।
सामुदायिक रेडियो मुगु १०७.४ मेगाहर्जले आज (असार ३ गते) स्थापनाको १५ वर्ष सफलतापूर्वक पूरा गरी १६ औँ वर्षमा प्रवेश गरेको छ । वि.सं. २०६८ असार ३ गते स्थापना भएको यस रेडियोले डेढ दशकदेखि मुगु र आसपासका क्षेत्रमा सूचना, शिक्षा र मनोरञ्जनको संवाहकका रूपमा काम गर्दै आएको छ ।जनसरोकारका विषयमा अतुलनीय योगदान
स्थापना कालदेखि नै रेडियो मुगुले स्थानीय जनसरोकारका मुद्दा, सामाजिक चेतना, शिक्षा र सशक्तिकरणका क्षेत्रमा आवाज उठाउँदै आएको छ । निष्पक्ष र विश्वसनीय समाचार तथा जनमुखी कार्यक्रममार्फत यस रेडियोले हिमाली जिल्ला मुगुको सामाजिक रूपान्तरणमा अतुलनीय योगदान पुर्याएको स्थानीय सरोकारवालाहरू बताउँछन्
रेडियो मुगु व्यावसायिक पत्रकारिताको खम्बा मात्र नभई नयाँ पुस्ताका लागि सिकाउने बलियो पाठशाला समेत बनेको छ । स्थापना दिवसको अवसरमा रेडियोका पूर्वकर्मीहरूले संस्थासँगको आफ्नो अनुभव र सामिप्यता स्मरण गरेका छन् ।रेडियो मुगुलाई आफ्नो पत्रकारिता यात्राको जननी र पहिलो खुट्किलो मान्ने पूर्वकर्मीहरूका अनुसार यस संस्थाले समाजलाई सिक्ने, बुझ्ने र जनतासँग प्रत्यक्षरूपमा जोडिने सुनौलो अवसर प्रदान गरेको छ । यहाँबाट सुरु भएको सिकाइले धेरै युवाहरूलाई जीवनमा नयाँ ऊर्जा, आत्मविश्वास र व्यावसायिक पहिचान दिएको उनीहरूको अनुभव छ ।
उज्ज्वल भविष्यको शुभेच्छा
यस सुखद अवसरमा रेडियो परिवार, स्रोता, विज्ञापनदाता तथा सुभचिन्तकहरूले रेडियो मुगुलाई हार्दिक बधाई तथा शुभकामना व्यक्त गरेका छन् । आगामी दिनमा पनि रेडियोले आफ्नो निष्पक्षता, विश्वसनीयता र जनमुखी प्रसारणलाई निरन्तरता दिँदै थप नयाँ उचाइ हासिल गरोस् भनी चौतर्फी शुभेच्छा प्रकट भइरहेको छ ।
