अर्घाखाँची – देशभर चुनावको चलपल तीव्र भइरहँदा अर्घाखाँचीमा भने राजनीतिक बहसले नयाँ मोड लिएको छ ।
अर्घाखाँचीका पिताराम पन्थीले जिल्लाका जनप्रतिनिधि र पत्रकारहरूमाथि सार्वजनिक रूपमा तीखो प्रश्न उठाएका छन् ।
अर्घाखाँचीका लागि तपाईंहरूको वास्तविक भूमिका के हो ?
उनले सामाजिक सञ्जालमार्फत अभिव्यक्ति राख्दै सामान्य टिप्पणीमा सीमित रहेन ।
राजनीति र पत्रकारिता कसरी गरिन्छ भनेर जभाव गाग्ने शैलीमा गरिएको टिप्पणीले जनप्रतिनिधि र सञ्चारकर्मी दुवैको जिम्मेवारीमाथि नै गम्भीर प्रश्न पन्थिले खडा गरेका छन ।
पन्थीको भनाइमा अर्घाखाँचीका नाममा धेरै बोलिन्छ, तर जनताको जीवनमा ठोस परिवर्तन देखिँदैन । विकास, रोजगारी, शिक्षा, स्वास्थ्यजस्ता आधारभूत विषय ओझेलमा पारेर भाषण, प्रचार र आत्मप्रशंसामै राजनीति सीमित गरिएको आरोप उनको छ ।
उनको कटाक्षले एउटा यथार्थ उजागर गरेको छ — जनताले अब नाराभन्दा काम खोजिरहेका छन् ।
भाषणभन्दा परिणाम चाहिरहेका छन् । यस्तो अवस्थामा प्रतिनिधिहरूको मौनता र पत्रकारिताको कमजोर निगरानीले जनविश्वास गुम्दै गएको संकेत देखिन्छ ।
पिताराम पन्थीको प्रश्न केवल व्यक्तिगत आक्रोश होइन, यो अर्घाखाँचीका जनताको मौन असन्तोषको आवाज पनि हो ।
अब प्रश्न उठिसकेको छ ।जनप्रतिनिधि र पत्रकारहरू आलोचना सहेर आत्मसमीक्षा गर्ने कि फेरि पनि चुपचाप उम्किने ?
चुनावको मौसममा यस्तो प्रश्नलाई नजरअन्दाज गर्नु भनेको जनताको चेतनालाई अपमान गर्नु सरह हुनेछ ।
