रुपन्देही – रुपन्देहीको सैनामैना नगरपालिका–७, देउवापारमा “समाजबाट समाजकै लागि” भन्ने मूल नारासहित वडा स्तरीय खुल्ला तीज गीत प्रतियोगिता हुने भएको छ।
देउवापार गाईजद्वारा आयोजना गरिएको यो प्रतियोगिता आगामी २०८२ साल साउन ३१ गते, सैनामैना–७ स्थित सभा हलमा हुने छ।
कार्यक्रममा स्थानीय तथा विभिन्न स्थानका प्रतिभाशाली महिलाहरूले तीजका पारम्परिक तथा आधुनिक गीत प्रस्तुत गर्ने छन्। आयोजकका अनुसार, यस कार्यक्रमले तीज पर्वको सांस्कृतिक संरक्षणसँगै स्थानीय प्रतिभालाई आफ्नो कला प्रदर्शन गर्ने उत्कृष्ट अवसर प्रदान गरेको हो ।
देउवापार गाईजका अध्यक्ष विशाल पौडेल ले सबैलाई कार्यक्रममा उपस्थित भई आफ्नो साङ्गीतिक र सांस्कृतिक परम्परालाई जगेर्ना गर्न आह्वान गरेका छन्।
