भारत बिहार – रोजगारीको खोजीमा भारतको पटना पुगेकी एक नेपाली महिला बलात्कारको शिकार भएकी छिन्। २८ वर्षीया ती पीडित महिलालाई स्थानीय एक व्यक्तिले काम दिलाइदिने भन्दै आफूसँगै लगेर बलात्कार गरेको आरोप लागेको छ।
Times of India र आजतकमा प्रकाशित समाचारअनुसार, उक्त घटना पटना शहरको गांधी मैदान थाना क्षेत्रभित्र भएको हो। प्रहरीले दिएको जानकारीअनुसार, पीडित महिला केही दिनअघि मात्रै रोजगारीको खोजीमा पटना आएकी थिइन्। त्यही क्रममा एक स्थानीय व्यक्तिसँग उनको भेट भएको थियो, जसले उनलाई कामको आश्वासन दिएको थियो।
पुलिसका अनुसार, आरोपित पुरुषले ती महिलालाई मद्दत गर्ने बहानामा आफूसँगै एक स्थानमा लगे र त्यहाँ बलात्कारको घटना घटाएको हो। पीडितले प्रहरीसमक्ष दिएको जाहेरीमा उक्त व्यक्तिले आफूमाथि जबर्जस्ती गरेको उल्लेख गरिएको छ।
घटनापछि पीडित महिला गांधी मैदान प्रहरी कार्यालय पुगेर उजुरी दिएकी थिइन्। प्रहरीले सोही उजुरीका आधारमा आरोपी विरुद्ध बलात्कारको मुद्दा दर्ता गरेको छ र उनलाई पक्राउ गर्न खोजी कार्य तीव्र पारेको बताएको छ।
प्रहरी निरीक्षक सञ्जय कुमारले सञ्चारमाध्यमलाई भनेका छन्, “हामीले पीडित महिलाको मेडिकल परीक्षण गरिरहेका छौं। बयानको आधारमा अनुसन्धान अघि बढाइएको छ। आरोपीलाई चाँडै पक्राउ गरिनेछ।”
पीडित महिलालाई सुरक्षित स्थानमा राखिएको र मानसिक परामर्शसहित आवश्यक कानुनी सहयोग उपलब्ध गराइएको पनि प्रहरी स्रोतले जनाएको छ। घटनाले भारतमा रोजगारीका लागि जाने महिला तथा युवतीहरूको सुरक्षा प्रश्नमा गम्भीर चासो उठेको छ ।
केही दिन पोहिला मात्र उतर प्रदेशमा समेत एक जाना महिला लाई चोरिको आरोपमा रसिले बाधेर कुटपिट भएको खबर सामाजिक संजालमा फैलिएको घटना नसेलाउदै पुन नेपाली चेली माथी बलात्कारका हुनु दु:खद खबर हो । यसरी आफुले नजानेको नचिनेको ब्याक्ती हरु सङ्ग जागिर लगाइदिने बहानामा कोहि महिला दिदिबहिनीहरुले भरोसा नगर्न समेत नेपाल खोजखबर हार्दिक अनुरोध गर्दा छ ।
