काठमाडौं — पूर्व युवराज पारस शाहले एक कार्यक्रममार्फत भावुक अभिव्यक्ति दिएका छन्। उनले दरबार छोड्दा पनि कसैलाई कुनै किसिमको हानि नपु¥याएको उल्लेख गर्दै भोलिका दिनमा जनताले पुनः चाहेमा आफूहरू फेरि पनि त्यही शान्त र सम्मानजनक ढंगले फर्कन तयार रहेको बताएका छन्।
“हामीले दरबार छोड्दा पनि कुनै नेपालीलाई सानो घाउ पनि लागेको थिएन,” शाहले भने, “भोलि जनताले खोजे भने हामी त्यही विनम्रता र मर्यादामा फर्कन चाहन्छौं, चाहे ऊ जोसुकै नेपाली होस्, कसैलाई नपीरोस।”
उनको यो अभिव्यक्तिलाई केहीले राजतन्त्रको सम्भावित पुनरागमनको सन्देशका रूपमा बुझेका छन् भने कतिपयले देशको वर्तमान अवस्थाप्रति असन्तुष्टि जनाउने ढंगमा लिएका छन्।
पारस शाह पछिल्लो समय सामाजिक र राष्ट्रिय मुद्दामा खुलेर प्रस्तुत हुन थालेका छन्। युवापुस्तामाझ उनको समर्थन बढ्दो छ भन्ने चर्चा पनि छ।
तर राजनीतिक वृत्त भने शाहको अभिव्यक्तिमा चनाखो देखिएको छ। विश्लेषकहरू भन्छन् — “यो अभिव्यक्ति तत्कालको शक्ति प्राप्तिको प्रयास होइन, तर भविष्यप्रति संकेत हुन सक्छ।”
नेपालमा हाल गणतन्त्र व्यवस्था विद्यमान रहे पनि पारस शाह लगायत केही पूर्वशाही परिवारका सदस्यहरू जनसंपर्क र जनभावनालाई सम्बोधन गर्ने प्रयासमा सक्रिय देखिन्छन्।
