रसुवा, असार २८ – जिल्लाको विभिन्न भागमा आएको बाढीपछि उत्पन्न संकटको व्यवस्थापनका लागि नेपाल प्रहरी, स्थानीय बासिन्दा तथा अन्य सुरक्षा निकायहरू सक्रिय भएका छन्। निरन्तरको वर्षापछि आएको बाढीले जनधनको क्षति पुर्याएपछि तत्काल उद्धार कार्यलाई प्राथमिकता दिइएको हो।
नेपाल प्रहरीका टोलीहरूले प्रभावित क्षेत्रहरूमा उद्धार तथा राहत वितरण कार्य गर्दै आएका छन्। नेपाली सेना, सशस्त्र प्रहरी र स्थानीय स्वयम्सेवकहरू समेत संयुक्त रूपमा राहत सामग्री पु¥याउने, जोखिमयुक्त क्षेत्रमा स्थलगत निरीक्षण गर्ने र नागरिकको सुरक्षाका लागि अस्थायी बासको व्यवस्था गर्ने कार्यमा जुटेका छन्।
बाढीले सडक, पुल र आवासहरूमा क्षति पुर्याएको हुँदा वैकल्पिक मार्गको खोजी तथा क्षतिग्रस्त संरचनाको मर्मत कार्य पनि अघि बढाइएको छ। स्थानीय तह र जिल्ला प्रशासन कार्यालयको समन्वयमा राहत कोष सक्रिय गरिएको जानकारी प्राप्त भएको छ।
प्रभावित नागरिकलाई सुरक्षित स्थानमा सार्ने र खानेपानी, औषधि तथा खाद्यान्न वितरणमा कुनै कमी हुन नदिन सुरक्षा निकायहरू दिनरात लागिपरेका छन्।
