अर्घाखाँचीमा EV हाइस दुर्घटना: ७ जना घाइते

अर्घाखाँची – अर्घाखाँची जिल्लाको छत्रदेव गाउँपालिकाको पाली हुँदै बुटवल जाँदै गरेको लु ०१–००१ज १४० नम्बरको EV हाइस दुर्घटनामा परी सात जना घाइते भएका छन्।

बिहान अनियन्त्रित भई गाडी पल्टिँदा दुई जना मध्यम घाइते र पाँच जना सामान्य घाइते भएको अर्घाखाँची जिल्ला प्रहरी कार्यालयका प्रमुख डिएस्पी चक्र बहादुर मल्लले जानकारी दिनुभयो।

प्रहरी घटनास्थलमा पुग्नु अघि नै स्थानीयको सहयोगमा घाइतेहरूलाई उपचारका लागि बुटवल पठाइएको डिएस्पी मल्लले बताए।