अनिल नेपाली
कपिलवस्तु – कपिलवस्तु, शिवराज नगरपालिका–५ चन्द्रौटामा राष्ट्रिय दलित पत्रकार संघ नेपाल कपिलवस्तु शाखाको आयोजनामा तीनदिने आधारभूत पत्रकारिता तथा उद्घोषण तालिम सुरु भएको छ ।
तालिमको उद्घाटन विजयनगर गाउँपालिकाकी उपाध्यक्ष लक्ष्मी चौधरीले गर्नुभयो । उपप्रमुख चौधरीले सञ्चार क्षेत्रमा सबैको समान पहुँच हुनुपर्ने र दलित समुदायका पत्रकारहरूको क्षमता अभिवृद्धि गर्न यस्ता तालिम महत्त्वपूर्ण हुने बताउनुभयो ।
कार्यक्रममा प्रमुख वक्ताका रूपमा राष्ट्रिय दलित पत्रकार संघ नेपालका केन्द्रीय सदस्य चिन्ता परियारले समुदायको आवाज उठाउन पत्रकारहरूको भूमिका निर्णायक हुने बताउनुभयो ।राष्ट्रिय दलित पत्रकार संघ नेपालका लुम्बिनी प्रदेश अध्यक्ष टेकेन्द्र बस्यालले सञ्चार क्षेत्रले समाजलाई अघि बढाउन मार्गनिर्देशन गर्नुपर्नेमा जोड दिनुभयो ।
नेपाल समाजवादी पार्टीका केन्द्रीय सदस्य रहिस शाहले पत्रकारितामा विविधता र सबैको सहभागिता आवश्यक रहेको बताउँदै तालिम आयोजकलाई धन्यवाद दिनुभयो ।यसैगरी, एकोराब लुम्बिनी प्रदेशका पूर्वअध्यक्ष राजु खरालले सञ्चार क्षेत्रको विकासले समाजमा सकारात्मक परिवर्तन ल्याउने धारणा राख्नुभयो ।
नेपाल पत्रकार महासंघ कपिलवस्तु शाखाका सचिव सनिउल्ला धोबीले ३ दिने तालिम अझ प्रभावकारी हुने अपेक्षा ब्यक्त गर्नुभयो ।तालिममा कपिलवस्तु जिल्लाका सबै पालिकाबाट २/२ जना सहभागी भएका छन् ।कार्यक्रममा राष्ट्रिय दलित पत्रकार संघ नेपाल कपिलवस्तुका अध्यक्ष शम्भु विकको अध्यक्षता कार्यक्रम भएको थियो ।
अध्यक्ष बिकले यो तालिमले स्थानीय तहमा संचारकर्मीहरूको क्षमतामा गुणात्मक सुधार ल्याउने विश्वास व्यक्त गर्नुभयो ।उक्त तालिमको सफल सञ्चालनका लागि विजयनगर गाउँपालिका, शिवराज नगरपालिका, र बाणगंगा नगरपालिकाले आर्थिक सहयोग प्रदान गरेका छन ।तालिमले स्थानीय पत्रकार र उद्घोषकहरूलाई व्यावहारिक ज्ञान र सीपमा अभिवृद्धि गर्ने आयोजकले बताएका छन्
