काठमाडौं।
वरिष्ठ अधिवक्ता दिनेश त्रिपाठीले आफूमाथि ज्यान मार्ने उद्योग र आपराधिक उपद्रवको आरोप लगाउँदै बिहीबार प्रहरी वृत्त सिंहदरवारमा जाहेरी दिनुभएको छ।
- Advertisement -
त्रिपाठीले कालिमाटीस्थित स्वर्णलक्ष्मी सहकारी अनियमितता प्रकरणमा रास्वपा सभापति रवि लामिछानेको थुनछेक बहस सकेर जिल्ला अदालत काठमाडौंबाट निस्कँदा आफूमाथि दुर्व्यवहार र कुटपिट भएको दाबी गर्नुभएको छ।
प्रहरीले घटनामा संलग्न रहेको आरोपमा ललित केसीलाई बुधबार नै पक्राउ गरेको छ। त्रिपाठीले केसीसहित कुटपिटमा संलग्न अन्य व्यक्तिहरूमाथि कारबाहीको माग गर्दै जाहेरी दिनुभएको हो।
प्रहरीले घटनाको सत्यतथ्य पत्ता लगाउन सिसिटिभी फुटेजको अध्ययन गर्दै अनुसन्धान अघि बढाएको जनाएको छ।
