काठमाडौ – अमरेशकुमार सिंह राष्ट्रिय स्वतन्त्र पार्टी (रास्वपा) प्रवेश गरेका छन् ।
सोमबार जनकपुरधाममा भएको रास्वपाको चुनावीसभाका क्रममा रास्वपा सभापति रवि लामिछाने, बरिष्ठ नेता बालेन शाह लगाएत नेताहरुले सिंहलाई रास्वपा प्रवेश गराएका हुन् ।
रास्वपा प्रवेश गरेपछि नेता सिंहले देशलाई अघि बढाउन रास्वपालाई अत्याधिक मतका साथ बिजयी गराउन आह्वान गरे । उनले आफु कुनै पदका लागि नभइ देश र नागरिकको बिकासका लागि हातेमालो गर्न रास्वपामा आएको बताए ।
देशको लागि काम गर्दा आफुलाई पटक पटक बदनाम गर्ने कोशिश भएको उनको भनाइ छ । उनले बालेनलाई प्रधानमन्त्री बनाएर छाड्ने भन्दै त्यसपछि मात्रै मधेशको आन्दोलन सफल हुने बताए ।
